貴州遵義黔營羊肉粉 (利都樓)

營業中

休息中

喺英皇道砲台山地鐵對面有間專食羊肉麵嘅舖頭仔，個名都幾特別，黔營羊肉粉， 黔係貴州嘅簡稱，舖頭仔細細，賣嘅嘢都幾特別，主打羊肉產品， 羊肉羊腩羊扒羊內臟都有，連羊高丸都有 。之前藜過兩次，覺得啲麵都幾好食，今日又再嚟試下，叫咗一碗羊肉湯麵， 一上到嚟就聞到好香，都幾達到期望，又有芫茜，嗰啲面依依韌韌嘅，好有麵香 。羊肉都唔少，切得薄薄一片，但係今次就有少少失望，羊肉片好柴，有啲乾，似乎唔夠新鮮， 所以我要點啲醋食，碗麵我要小辣，辣得啱啱好，越食越開胃。 一大碗麵只係52蚊，又唔使加一，就算我大食都食得飽，所以我覺得都ok啦。