逸豪軒

營業中

休息中

作為大窩口區街坊，見啲茶樓執完一間又一間，都好閉翳，東亞商場連百佳都摺埋，成個死場咁，好彩都仲有間似樣啲嘅酒樓。呢間酒樓啲嘢質素正常，嚴格嚟講都算好食，缺點係人太多，點心成日好耐先到，甚至唔到，價錢係實惠的，平日一至五午市孖寶好抵食，假日三個人叫五個點心加個蒸飯都係二百幾，呢間酒樓仲有vip房，比較靜和好坐，每位要加兩蚊，畀多兩蚊就可以做vip。點心方面，蝦餃和山竹牛肉係好食的，好長嘅春卷有三條，三個人夠曬食，黑椒牛肚千祈唔好叫，得五小條，下面全部係芋頭，唔抵食。