R&Y's International Cuisine (大尾篤村)

營業中

休息中

今日同朋友去大美督玩，見天氣麻麻哋又落雨，不如搵個地方坐低食餐飯。就咁睇間餐廳嘅格局，完全唔會估得到啲食物有返咁上下水準。凍冰冰，一坐低飲個湯先，洋蔥薯仔湯， 好creamy、好味。驚喜嘅位係緊湯嘅蒜蓉包，啲包好煙韌，蒜蓉味好香，烘得啱啱好，外脆內軟。完全唔似其他西餐廳啲蒜蓉包硬到牙血都出。我食咗牛扒，啲牛肉肉質本身靚，煎得啱啱好，調味又啱啱好，我朋友食咗帶子龍利柳，無論係調味，烹調，食材嘅選用都冇得投訴。如果食set lunch仲有自助沙律吧，不過今日天氣有啲凍，我哋就冇乜點食到啲沙律。