影片
更多
2021-10-05
1613 瀏覽
食煲仔飯預咗要等，冇問題。。佢一開舖我已經入去坐低，入去一陣已經開始點菜。只係叫咗兩樣嘢，第一個小菜好快到。👌🏻第二樣煲仔飯等半個鐘都未到，問吓佢幾時到。個男嘅樓面好有態度咁樣回覆話做緊。 👌🏻👌🏻最終等咗一個鐘佢都冇上我就走。途中我問過佢哋不下5次，所以佢一定知道我老婆係大肚婆。隔離枱遲過我入嚟嘅煲仔飯都有，豬骨煲咁熱人哋都差唔多食完，外賣煲仔飯不下10-20個我見佢又不停咁出。就係要個大肚婆餓着坐喺度等，不斷點住先。又話做緊，攞緊出嚟。仲要有態度。老實講我都見過兩個樓面冇停手，所以頭幾次都比較有耐性咁問佢。環境一般煲仔飯等候時間長全部都預咗，最火滾係不斷點我。如果係漏咗單咪早啲講囉，我叫其他食物咋嘛，唔好要個孕婦餓住喺度等啦，仲要有態度！不過又應該唔係漏單，我都問咗佢五次啦。。坤記，真係好失望！😒
佢一開舖我已經入去坐低，入去一陣已經開始點菜。
只係叫咗兩樣嘢，第一個小菜好快到。👌🏻
第二樣煲仔飯等半個鐘都未到，問吓佢幾時到。個男嘅樓面好有態度咁樣回覆話做緊。 👌🏻👌🏻
最終等咗一個鐘佢都冇上我就走。途中我問過佢哋不下5次，所以佢一定知道我老婆係大肚婆。隔離枱遲過我入嚟嘅煲仔飯都有，豬骨煲咁熱人哋都差唔多食完，外賣煲仔飯不下10-20個我見佢又不停咁出。就係要個大肚婆餓着坐喺度等，不斷點住先。又話做緊，攞緊出嚟。仲要有態度。
老實講我都見過兩個樓面冇停手，所以頭幾次都比較有耐性咁問佢。環境一般煲仔飯等候時間長全部都預咗，最火滾係不斷點我。如果係漏咗單咪早啲講囉，我叫其他食物咋嘛，唔好要個孕婦餓住喺度等啦，仲要有態度！不過又應該唔係漏單，我都問咗佢五次啦。。
坤記，真係好失望！😒
張貼