和味館 (已結業)

同大胃王食飯 緊係要食放題啦今次㨂左和味館試下 睇下係咪真係咁和味😏小試牛刀 叫左第一輪刺身先 賣相不錯唷有8款刺身任君選擇 三文魚 吞拿魚 甜蝦 螺肉 鮑片等等肥美嘅三文魚厚切 入口鮮味無窮 甜蝦極為鮮甜 螺肉同鮑片都好彈牙熱食方面 手羽仙同香芋芝士球係推介嘅手羽仙已經調得完全入味 炸到金黃色嘅外層脆卜卜嘅皮 同嫩滑嘅雞肉 食慾大增😋香芋芝士球 金黃色嘅糯米皮包住芋蓉同芝士一口一粒 熱辣辣微甜嘅芋蓉配上咸咸地嘅溶芝口感煙煙靭靭 又脆脆地 幾好食👍🏼飲品方面 有提子味汽水 韓國汽水 烏龍茶等等 總括黎講算唔錯 不過有漏單情況出現⋯😑