八幡屋涮涮鍋

營業中

休息中

呢個放題食足兩個鐘，滿滿既日整黑毛和牛都任食，仲有其他高檔食材好似龍蝦呢啲都任食，真係異常咁抵！其中一樣最中意既係佢地任食既刺身，刺身款式多多，新鮮係基本，好似帶子咁就柔嫩鮮甜，大粒爽嫩，其他三文魚果啲都係好肥美，會俾腩位，吞拿魚亦都好鮮味，雖然係赤身，肉質都好嫩，真係超級抵食！💯而一開頭提到既熟龍蝦亦係非常出色，龍蝦大隻多肉，連龍蝦鉗都好大好多肉係入面，鮮味多汁，仲要有膏，真係驚豔佐！💯重中之中既日本黑毛和牛亦認真好食，和牛雪花紋清晰，肥瘦均勻，肉質柔嫩，牛味香濃，而且入口即化，打邊爐真係超掂！💯任食既海鮮都好新鮮架，蜆肉又大有鮮甜，仲要無沙，唔同海鮮都有，超級多款，提升湯底鮮味！💯其他任食嘅小菜都真係超正，款式好多，燒羊架都有，羊架好肥美，又唔會太騷，超惹味，仲有燒菠蘿，菠蘿超甜，超新鮮！💯飲品同雪條都好正㗎，飲品有啲特別啲嘅罐頭飲品，香港出品，雪條亦都係唔同嘅生果雪條，超正！💯