影片
更多
2010-02-04
28 瀏覽
尋日凍凍哋，男友大人話要同我打邊爐，所以book咗位放咗工大概7:00到達，當時計埋我哋都係只有三四枱客，不過唔夠半粒鏗就坐無虛席。打邊爐食材方面都算種類繁多，是晚叫咗如下:1. 麻辣拼芫茜湯底 - 麻辣湯底好咸而且唔辣，我已經不停叫人加水...都係兩個字咸爆。芫茜湯底 就普普通通啦。2. 海斑片 - 跟湯底，出奇地好有魚味，入口肥美鮮甜。3. 牛坑腩 - 一望埋去以為會好硬，要淥好耐，不過又唔係喎而且好軟熟，因為件件坑腩都有啲肥膏，所以食落好香同牛味重。4. 炸腐皮 - 一望埋去大人已然話唔掂，浸一浸啲滾湯擺落口啦，嘩~靭嘅，而且仲一啲腐皮應有嘅豆味都冇，好似用啲鮮腐皮卷埋炸咗就算咁，食落好似o趙緊軟膠片嘅感覺.... 炸腐皮都係小肥牛好。5. 炸魚皮 - 第一碟(即相中嗰碟)大人一食就話淋嘅，我就冇試啦，之後叫咗一位類似部長換過另一碟嚟，第二碟就冇淋，大人話比之前嗰碟好好多，不過我就覺得幾硬吓，一啲都唔鬆脆。6. 自製四寶丸 - 應該係牛丸、豬肉丸、鯪魚丸同疑似蝦丸，味道OK質素，略嫌唔夠彈牙。7. 豬腰 - 望落好似好大碟，不過原來切得好薄，所以食落口感不足，新鮮度都OK..
打邊爐食材方面都算種類繁多，是晚叫咗如下:
1. 麻辣拼芫茜湯底 - 麻辣湯底好咸而且唔辣，我已經不停叫人加水...都係兩個字咸爆。芫茜湯底 就普普通通啦。
2. 海斑片 - 跟湯底，出奇地好有魚味，入口肥美鮮甜。
3. 牛坑腩 - 一望埋去以為會好硬，要淥好耐，不過又唔係喎而且好軟熟，因為件件坑腩都有啲肥膏，所以食落好香同牛味重。
4. 炸腐皮 - 一望埋去大人已然話唔掂，浸一浸啲滾湯擺落口啦，嘩~靭嘅，而且仲一啲腐皮應有嘅豆味都冇，好似用啲鮮腐皮卷埋炸咗就算咁，食落好似o趙緊軟膠片嘅感覺.... 炸腐皮都係小肥牛好。
5. 炸魚皮 - 第一碟(即相中嗰碟)大人一食就話淋嘅，我就冇試啦，之後叫咗一位類似部長換過另一碟嚟，第二碟就冇淋，大人話比之前嗰碟好好多，不過我就覺得幾硬吓，一啲都唔鬆脆。
6. 自製四寶丸 - 應該係牛丸、豬肉丸、鯪魚丸同疑似蝦丸，味道OK質素，略嫌唔夠彈牙。
7. 豬腰 - 望落好似好大碟，不過原來切得好薄，所以食落口感不足，新鮮度都OK...味道唔夠重。
8. 田雞 - 食落都好新鮮，好甜，一碟一隻，SIZE細，成$22一隻田雞就唔係好抵啦。
9. 細西冷 - 牛肉味鮮，不過大人就話手切肥牛味道重同香好多，對於我嚟講就食落都有啲靭靭哋。
10. 石蚌剌身 - 上枱時條魚個頭仲郁，好新鮮，比起平時食嗰啲鮮甜，魚肉質地彈彈的，讚!
麒麟啤5大支，因為唔想嘥嘢，最終只係食淨幾粒丸，所以食到我同大人捧住個肚走.....
埋單$60x，雖然大致都唔錯，不過真係覺得都幾貴....
張貼
