美心西餅 (葵芳站)

營業中

休息中

心血來潮行入美心,竟然見到呢個大蘿蔔!!唔駛問,我又貪得意買左佢做午餐。甘筍吞拿魚包就係呢個大蘿蔔,粒綠色椗好乾,我都分唔到佢究竟係麵包定餅乾;包包有d果仁,食落幾香口又有口感,呢樣唔錯;吞拿魚都算多,起碼成個包都無虛位,只係蘿蔔尾部份係齋包,多d魚就更好,仲有幾粒粟米,都ok好食。呢個包外型比味道吸引。車打芝士包: 家庭裝個款車打芝士包我都幾鐘意,今日就只見呢款長方型細包,味道有d分別!!一如以往,呢個包中間係好空洞,不過包底都有唔少半溶芝士粒,事實都好香口,但同家庭包個款有原粒芝士口感又唔同,我都係鐘意大個款多d。呢間美心有奶茶、咖啡,仲有即製腿蛋、餐蛋三文治,行過都覺得d茶煲得幾香。