焼肉 焰

營業中

休息中

呢幾日天氣特別凍，肥仔忍唔住要食暖笠笠嘅燒肉保暖。🥩九宫格燒肉盛盒套餐🥩呢個盛盒望落好豐富，有各種和牛、五花腩、同蝦。每樣都試到少少，肥仔好滿足！淨係和牛都有三筋肉、牛小排、牛舌、牛肋肉咁多款。間仲有大大隻車海老蝦！影相好靚。兩個人食啱啱好。🥗跟餐仲送一個蛋沙律菜蛋黃醬同菜嘅比例啱啱好，仲有一片片洋蔥，解膩得黎又辣辣地。🥢筷子兩邊都係尖，可以一邊食肉一邊食菜。餐廳環境好舒服，抽氣系統非常好，著冷衫嘅肥仔身上一d油煙味都冇。一路播住輕鬆嘅音樂，燒下肉食下肉傾下計都唔知時間過左。店員好貼心，一路幫我地加熱茶。