港原味 (已搬遷) 新店位置

咁啱下午經過大角咀，行到攰，就入去坐下食啲嘢。我就點咗一口西多士，配朱古力醬。一口西多士好方便，細細個，一口一啖。花生醬就食得多，可以配朱古力醬就少，好似食緊甜品咁。幾得意。朋友就食炸雞脾，雞脾勁大，外脆內軟，肉嫩又Juciy。我地兩個都揀咗雪山紅豆冰，冰涼爽快。雖然只係食下午茶，但食物都幾滿意。起碼係食物質素幾好，唔似快餐店啲頹食。餐廳環境都幾靚，有壁畫可以打下卡，又有幾多特色餐具。下次試埋晚餐再點評。