慶記 (已結業)

大角咀真係飲食界入面一個臥虎藏龍嘅地方，特別係利奧坊起咗之後，附近都起咗唔少唔同類型嘅優質餐廳。今次為大家推介嘅就係慶記，一間好好食嘅上海菜館，而價錢又10分親民。大部份麵食或者泡飯都係$40-$50就有交易。份量仲要一啲都唔細，雞扒同豬扒都係極大塊，仲要係厚切！配埋大大碗嘅泡飯同上海麵，真係抵食夾大件！另外重點推介係佢哋呢度嘅小食-口水醉雞捲，口水醬汁你可以選擇叫佢另上，醬汁唔算太辣，但係非常惹味開胃！全部大大件，仲有八大塊，都只係$34 ，非常抵食！即使三個人嚟，叫兩個餐加兩個小食，都一定夠飽，價錢親民，但係質素極高！