Ristorante Pizzeria Da Vincenzo

營業中

休息中

大角咀多美食, 今次朋友想試意大利菜, 我地一行五個女仔就去左呢間試下。呢個starter好好食! 平時食開既火箭菜都好苦, 但呢D完全唔會苦, 食落係覺得好fresh, 跟parma ham既配搭十分之好, 又中和番咸味, 無得彈。好少食mussels係用蕃茄汁, 原來係可以咁夾咁好食。Mussels都幾大隻幾新鮮, 一上菜我地爭住食, lam lam脷。好期待既pizza! 一上已經聞到好香, 流晒口水。我地揀左兩種味各一半, 兩隻都好好食! 加左火箭菜 (+$15), 更加好味。Pizza底薄, 料足, 餅邊香口, 好耐冇食過咁好食既pizza。呢個意粉就認真麻麻地, 本身以為carbonara好難唔好食, 但佢D汁太稀, 完全掛唔到落意粉到, 味道都偏淡。意粉口感偏硬身, 鐘意al dente既應該會覺得唔錯, 但可以考慮試另一種。Truffle好香, 汁好creamy, 雖然Gnocchi偏淋但整體都幾好食。我地叫左兩個甜品, tiramisu好好食, 但pistachio gelato真係好失望, 因為完全冇pistachio既味, 反而有D似杏仁味。