Restoran SAYA

營業中

休息中

呢間Restoran SAYA係一開泰國東北菜🤩一入到餐廳巳經見到裝修充滿着泰國民族風，餐廳以湖水綠色做主調，再配有好多復古嘅poster同裝飾，令成間餐廳有好多打卡位😌🍽️炭燒豬頸肉豬頸肉份量好多呀，薄切嘅豬頸肉經過炭燒後，食落覺得好香口，加埋會有啲調味粉灑咗係豬頸肉面頭，食個陣覺得好夠味，再配埋個特調醬汁一齊食，超級惹味😋🍽️沙嗲雞串每串雞串份量都好多，雞肉仲好大件添！燒過嘅雞串食落肉汁鮮嫩又多汁，特製嘅沙嗲加咗花生醬之後，夠哂香口同惹味！再以青瓜、生菜做配菜仲可以解油膩😝🍽️泰式炸雞棗炸雞棗絕對有驚喜😎雞棗係用腐皮包住免治雞肉mix蔬菜再拎去炸成一粒粒，一咬開入面仲保留咗啲肉汁，配埋泰式辣醬一齊食，好食🤤🍽️泰式青咖喱 雞青咖喱散發住濃濃嘅椰香味，食落惹味香辣，煎過嘅雞肉更肉質鮮嫩！蒜蓉包烘到香脆可口，離遠巳經聞到濃郁嘅蒜蓉香味，蒜蓉包外脆內軟又帶點鹹香，將蒜蓉包沾滿咖喱汁再食更入味😜🍽️芒果糯米飯賣相十分吸引💯呢個甜品用咗芒果砌個玫瑰花出嚟，芒果食落好香甜，糯米飯仲好軟熟，淋埋香甜濃郁嘅椰漿，食蓉好味道👅🥥椰青椰青汁飲落好清甜且帶點椰香，水份十分充足，飲到咁上下仲可以刮椰青肉邊食邊飲添😝