上海維記

營業中

休息中

琴晚去咗大角咀嘅上海維記，呢間新開嘅上海菜菜館，裝修新派又雅致，環境乾淨企理，坐得幾舒服。雖然只係閒日，但夜晚七點已經幾乎全院滿座😆🥢蟹粉小籠包係必點之選，皮薄餡多，蟹粉味道濃郁，咬開嗰陣啲湯汁好鮮甜，真係一啖唔夠👍🏻🥢大閘蟹啲蟹膏好肥美，仲帶少少甜味，配埋姜醋汁，食得出係新鮮貨🦀🥢回鍋肉炒年糕炒得好香，年糕煙韌唔會過爛，回鍋肉又唔會太肥膩，味道啱啱好😋🥢砂鍋雲吞雞湯底好鮮甜，雲吞皮薄餡足，雞肉嫩滑，呢個砂鍋喺冬天食更加暖胃🤤🥢賽磅蟹用咗蛋白炒出蟹肉嘅口感，撈埋中間嘅蛋黃一齊食，味道香濃，質地滑溜，每一啖都帶有少少甜鹹味，幾惹味😍餐廳全日免加一，價錢親民，食物水準高，性價比真係幾高。整體嚟講，呢度啲上海菜無論係味道定擺盤都用心，值得一試！