Orange Elephant Thai Restaurant (博文街) (已搬遷) 新店位置

又嚟到大角咀，之前見過呢間餐廳，見佢有每日一款餸菜只需要1蚊雞，覺得好吸引好有興趣，今日咁啱有機會就一於試下佢堅唔堅。去到大概8點鐘左右，見到門口外面有個牌寫住9PM後入座7折，但仲有成粒鐘先夠9PM，而且已經有1蚊一個餸。內面唔算太多人，仲有位，唔駛等，佢D枱坐位都幾闊落，個梳化位仲有D泰國特色嘅咕臣。點菜，必點當日一蚊雞有一個酸辣無骨鳳爪，跟住老婆想食軟殼蟹，再加個主食金邊粉。菜牌上話有WIFI，實際問佢又話無。張枱都幾闊落。先上酸辣鳳爪，鳳爪酸辣味恰到好處，配菜沾上醬汁亦能配合其酸辣的味道。作為涼拌前菜，非常有水準，並且以一蚊雞的價錢，性價比極高。第二個上的菜是香蒜軟殼蟹，外表睇落都尚算合格，但明顯不夠酥脆。軟殼蟹較細隻，入口亦真的炸得不夠脆，大概有5-6塊半只軟殼蟹，算比較足量，旁邊的炸蒜很香口。整體比較失色，不夠乾身酥脆，但口味尚算不錯。最後叫了一個主食，泰式蝦球金邊粉，都幾大碟，蝦球？唔係蝦仁咩？話唔定"泰式蝦球"等於蝦仁。個粉比較軟身，可能我加多咗青檸汁，感覺成碟粉口味偏酸。埋單兩個人人均都唔駛100。幾抵食。下次可以再試下，好像星期三是一蚊雞嘅菜式是價值160+嘅烏頭。