三洋餐廳 (已結業)

其實係呢間新開張當日已經試過,可惜當時database未有record,所以無寫食評。不過,我同小牛幫襯此店既經驗相當唔好,所以唔打算會再幫襯,唔知同佢岩岩開始,未熟手有無關係喇!話說我地想點兩個中式套餐,可以有兩湯兩送兩飯,先點佢是日晚餐中其中一項,係金銀蛋莧菜,再點餐牌小菜類粟米班塊,點知小菜類比個套餐仲貴,但係唔包白飯同湯,只有一碟送,好在我地問左叫,於是唯有改咕嚕雞球套餐。咁都無乜所謂既,之不過呢,我果日唔係咁想食飯,於是問阿姐,白飯可唔可以改米粉,佢話要問下,問左幾分鐘番黎話唔得,跟住我又問,咁改白粥又得唔得(因為我見佢地有生滾粥供應,隔離台仲食緊),佢今次唔使問,一講就講話,我地無白粥,咁我就算啦!個阿姐亦走番去做野…後來有個似老闆既男人經過,我問如果加錢轉粉得唔得,佢話唔得,建議我要白粥,我話,下?剛才個阿姐先話無粥喎,個男人話唔好意思,因為間店仲新,員工可能未清楚。好,我都算!跟住個阿姐上菜,有一個白飯上左,我叫佢俾埋另一碗粥我,佢竟然話,都話左無粥咯!我話,你個老闆話有,可以轉架!你問清楚啦!跟住佢走去問老闆,乜有粥既咩?個老闆叫佢跟佢過去整粥果邊,然後無耐,佢就俾左