恆記清湯牛腩 (已結業)

呢間食店新開冇耐，舖面面積唔算大， 但相當乾淨企理， 今次試咗佢嘅魚蛋雲吞竹昇麵。佢話係魚蛋王， 我都好有好奇心究竟有幾出色， 老闆攞過嚟嘅時候，眼見魚蛋同出面嗰啲冇乜分別， 仲有啲漲身，諗住中伏， 點知食落粒魚蛋好有魚味， 非常彈牙，絕對唔係行貨。個麵底仲有驚喜，相當彈牙，仲有淡淡嘅蛋香。雲吞都好食嘅， 但相對魚蛋同埋個麵底，就顯得冇咁特別。雖然你間鋪頭價錢都唔平，但食物質素絕對配得上個價錢，成間鋪頭就係得老闆一個搞曬， 但佢都對客人好有禮貌仲叫我哋慢慢食唔使心急， 食物質素絕對係非常好，下次一定會再幫襯。