木子甜品 (已結業)

其實經常去呢間甜品店，今次第一次寫佢食評。木子甜品賣台式甜品，例如燒仙草，芋圓等。傳統 紅豆沙果D 係冇架。今次我堂食點了 雜果仙草加 椰子味雪泥，堂食賣相一如已往好，生果有奇異果，西瓜，蜜瓜。仙草放底，中間生果，最上一球雪泥，份量十足。甜品黎講，份量絕對夠一個成年男人大滿足。味道方面，仙草好standard ， 間間一樣味，間間都咁滑，唯一分別係"多，夠份量" ， 呢間勝在夠多同夠多! 生果面積大塊但切得好thin, 感覺有些少小氣，可能因為太thin, 食，西瓜質數麻麻同口感差D，其他生果正正常常，唔驚喜唔投訴果隻。椰子味雪泥 係 亮點，好香椰子味，軟硬適中，好食過雪榚，如果冇呢舊雪泥，我會評ok, 依家當然好過ok 變 笑臉啦。