Press Enter (已結業)

星期日下午，天氣同心情都悶悶地，決定食餐好d舒展心情。餐廳佈置行簡約文青路線，坐得舒服，SOFA位仲有CUSHION可以用。店員都好有禮貌，整體感覺不錯。點了一個燴飯、一客卡邦尼意粉、一客甜窩夫。隨餐跟送一壺熱蜜桃茶，甜甜地，暖暖的，非常舒適可口，飲完好舒服。另外一個跟餐加$20改成熱泡沫咖啡，拉花好看，咖啡好香，輕微苦澀，十分醒神。套餐仲有餐湯送，是日係南瓜湯，不過不失。卡邦尼意粉醬汁香濃好滑，芝士又香，再加上煙肉同蘑菇比例不錯，不過調味過鹹。燴飯做得不錯，D米不會煮到非常淋身，仲有少少咬口。飯看似好少，其實非常飽肚。推介。