影片
更多
2018-07-20
114 瀏覽
私房菜聽就聽得多，不過食就未食過。肥妹仔我今日有幸參加一個飯局食"陸氏私房菜"，好多菜式真係未食過，肥妹仔我真係未食就先興奮呀！餐廳環境懷舊三寶金錢雞 (肥豬肉，雞潤，雞肉)嘩，一上枱肥妹仔真係嘩咗出聲，望落去每一件既外表都塗上蜜糖咁充滿油光，上層係雞肉，煎得香脆可口，中間夾咗一舊雞潤，粉粉嫩嫩，下層就係肥豬肉，每咬一口都滲出油香，成件既味道真係好特別好好食！蟹多士(燒賣皮，蝦膠)肥妹仔我就好鐘意食香口野，呢件蟹多士一上枱肥妹仔我就已經係心心眼了~佢既外型好似太空船，多士上面釀了蟹肉，蝦，肥豬肉，下面就係一小件麵包，食落去充滿海鮮既鮮味同肥豬肉既滑口，正呀!自家製鯪魚球呢個鯪魚球唔係大大粒果d，而係整到細細粒炸起黎，食得出鯪魚肉既味道，一d魚骨刺都無，做得非常仔細，再點埋附上既蜆肉醬，簡單好食。甜酸錦鹵雲吞(豬潤，蝦，菠蘿)甜酸汁點雲吞肥妹仔食就食得多，但個充滿配料既甜酸汁就好少食，肥妹仔我每勺一啖汁都會拎埋蝦同豬潤食，豬潤整得非常乾淨，無豬燥味，蝦就大大隻爽口，加上個雲吞皮炸到非常脆，點上個甜酸汁真係令人停唔到口！上八珍扒大鴨(海參，冬茹，大蝦，帶子，鴨腸)嘩嘩嘩，呢個真係不得了，聽
餐廳環境
懷舊三寶
金錢雞 (肥豬肉，雞潤，雞肉)
嘩，一上枱肥妹仔真係嘩咗出聲，望落去每一件既外表都塗上蜜糖咁充滿油光，上層係雞肉，煎得香脆可口，中間夾咗一舊雞潤，粉粉嫩嫩，下層就係肥豬肉，每咬一口都滲出油香，成件既味道真係好特別好好食！
蟹多士(燒賣皮，蝦膠)
肥妹仔我就好鐘意食香口野，呢件蟹多士一上枱肥妹仔我就已經係心心眼了~佢既外型好似太空船，多士上面釀了蟹肉，蝦，肥豬肉，下面就係一小件麵包，食落去充滿海鮮既鮮味同肥豬肉既滑口，正呀!
自家製鯪魚球
呢個鯪魚球唔係大大粒果d，而係整到細細粒炸起黎，食得出鯪魚肉既味道，一d魚骨刺都無，做得非常仔細，再點埋附上既蜆肉醬，簡單好食。
甜酸錦鹵雲吞(豬潤，蝦，菠蘿)
甜酸汁點雲吞肥妹仔食就食得多，但個充滿配料既甜酸汁就好少食，肥妹仔我每勺一啖汁都會拎埋蝦同豬潤食，豬潤整得非常乾淨，無豬燥味，蝦就大大隻爽口，加上個雲吞皮炸到非常脆，點上個甜酸汁真係令人停唔到口！
上八珍扒大鴨(海參，冬茹，大蝦，帶子，鴨腸)
嘩嘩嘩，呢個真係不得了，聽個部長講原來整呢個菜要成三個鐘，真係心機菜黎！肥妹仔我雖然唔知點整，但就真係食得出呢個扒大鴨唔少野！佢既鴨肉已經炆到好林，每一絲鴨肉都吸咗舖係上面如海參，冬茹，大蝦，帶子，同鴨腸既精華同味道，成隻鴨仲要係起埋骨上，真係食到肥妹仔我驚嘆咗！
梧洲紙包骨
哈哈，呢個一上枱肥妹仔我真係好期待食，因為佢用咗張牛油紙包住件肉，充滿神秘感，而且聞落去非常香！打開張紙，見到舊骨閃令令，真係未食就知道唔會嚡口呀！個味調得適中，外層焗得香脆可口，肉質咬落去鬆軟，出色！
八寶冬瓜盅 (火鴨肉，蟹肉，豬肉，冬茹)
媽媽教落，夏天最好飲冬瓜盅下下火，不過呢個冬瓜盅一上枱真係令肥妹仔我腎上腺素上升呀，靚到呢！！！！個d蟹肉，鮮蝦好豪邁咁放上冬瓜盅既邊圍，入面既冬瓜蓉煮到入口即溶，仲有冬茹粒，味道清甜爽口，真係消暑一流呀~
自選二道菜-蟹肉炒大良蛋
賽螃蟹就食得多，肥妹仔真係第一次食炒大良蛋，真係無改錯名，非常香奶味，完全無違和感，真係打破咗肥妹仔我覺得奶係要甜食既想法，蟹肉非常多，但最令肥妹仔我驚喜既係成碟炒奶隱藏了好多大大粒既蟹膏，真係食到肥妹仔感動到想喊~
自選二道菜-琵琶豆腐
又係功夫菜，將d豆腐切到碎唒，再mix埋其他既配料，最後仲煎到金黃色，試問又點會唔好食呢？簡單得黎又做到細節，佩服!
陸氏炒飯(蝦乾，菠蘿 )
其實肥妹仔我係一個重碳水化合物既人，幾飽都會啪一碗飯落肚既人!聽聞呢個陸氏炒飯係呢度老板心愛菜式之一!肥妹仔我聽到都即刻啪番碗!呢個炒飯炒得乾身，粒粒米炒到分明，而佢既蝦乾應該係炸過黎，非常脆口，令成碗飯既口感豐富咗好多!
焗西米布甸
到最尾一道菜啦，就係甜品~好香，呢個焗西米布甸聞落去真係好香，食落係充滿奶皇既香甜，西米煮得通透，呢個中式甜品真係好好食…………
今次真係一餐令肥妹仔我大開眼戒既私房菜喔
張貼
