鮮薈海鮮吧 (已結業)

上次嚟係為咗買歐洲大閘蟹，今日同事叫我搵地方食午飯，當然要用OR 搵啦。Search之下見有人提及呢度嘅午餐不俗，所以又再次由中環行到嚟上環食lunch.我哋安排上咗2樓半露天地方食lunch, 一行8人坐長枱。佢哋嘅餐牌有日式，有西式，當然唔少得有蟹。每個餐都有湯有沙律有麵包，而且擺碟好靚。好，開始介紹：餐湯跟沙律用上瓷磚做嘅碟嚟上，好精緻，未食已覺好吸引。同事叫咗三文魚意粉，同樣精緻，雖然睇落好似好細碟，但食落原來好夠份量，而且好好食，唔漏，個汁醬跟三文魚好夾。另外同事叫了炸雞扒飯，雞扒炸得香口，但唔過火，仲有肉汁，而且雞扒大大塊，正！至於我就叫咗明太子飯團配魚生，多得同事貢獻，我哋飯團生色不少. 明太子飯團好好食，魚生好新鮮，可惜個wasabi 差咗啲，冇咩味。全場重點係蟹怪叫嘅蟹粥，$128用上2隻歐洲大閘蟹，都幾大碗，同事盛讚好甜好好味，仲有好多膏，抵食。整體同事大讚，擺碟靚，口味好，價錢唔貴，只可惜半開放露天地方較悶焗，如果改善下會再好啲！