上海新大眾大閘蟹專門店

營業中

休息中

又到左食大閘蟹嘅季節，冇10隻都唔停手嘅我知道黃大仙附近有大閘蟹放題就馬上去試試。呢個放題係75分鐘任食， 包你抱住個肚離開。餐廳地方都幾大，不過重點當然係大閘蟹啦。大閘蟹都唔細隻，每次八隻八隻咁order，見到佢哋一桶桶肥美嘅蟹，我忍唔住了！以為係放題就一定比啲次貨，點知每隻蟹一打開，啲蟹膏都非常多，而且色澤鮮明食落又鮮甜，正！另外仲有蟹粥，離開座位出去食煙嘅時候見到有個阿姐不停咁樣拆開啲蟹肉同蟹膏，唔怪得知個蟹粥咁甜，原來落重料。蟹肉餃子，蟹味都相當重，鍾意食餃子嘅人一定要試吓。蟹肉臘味飯，配合啲蟹膏一齊食食一流。另外佢仲有汽水果汁任飲，更加唔少得怕食得多寒涼嘅人必備嘅薑茶任添。我個人覺得自己買蟹都差唔多百幾蚊一隻，呢度我total食咗十幾隻，真係十分抵食。