海逸軒 (已結業)

食完包包後，就行過黎食主菜!每人一個大閘蟹餐。一口蒜片牛柳粒，蒜香不會蓋過牛肉既味道，而牛肉也夠稔，幾好!鮑魚絲豆腐羹，師傅手藝不錯!將既散既豆腐切絲，同鮑魚絲既口感形成對比，都不錯。大閘蟹，打開後膏不算很多，但十分香口，蟹肉只是配角，可有可無。太雕文昌雞，用個煲上，半隻既份量幾多，但很普通，抵讚既係用煲上，熱力keep到。糖酒玉蘭薳，炒芥蘭，冇咩調味，食剩半碟。薑茶湯圓，驅寒之作，薑湯都飲晒。八年陳釀太雕十六，本人不是品酒之人，特別係呢d古酒，感覺有d似黑醋味，同蟹幾夾，但不太接受到，所以飲左幾杯停左。半個月前既一餐，已經冇咩印象，可能因為呢餐吸引力唔夠。但環境高雅，加上閒日，人數唔多，2個人食左餐差唔多三小時既晚餐，聚聚舊同講下近況，都唔會比人打擾，是晚欣賞之處也!用coupon後一人免費。