回味館 (已結業)

跟老友記打完波落九龍城食飯。响呢頭差唔多度度都食勻，反而未試過呢度...一入到去，地方細細，侍應皆操濃烈大陸口音嘅廣東話，枱上又有盒大陸牌子皆tissue，真係有D以為返咗內地咁...一望菜牌，除咗有主打嘅川菜外，其他都以廣東小菜為主。就每樣都試吓la..先叫個麻辣天梯，好爽口，但只一味辣，但卻不麻，有D失望...蜜椒風蟮 --- 甜甜哋辣辣哋，相當惹味；汁完全嗦晒落D蟮度；蟮相當新鮮，弄得連皮都微脆口，確實不俗..吃出個癮來，再嚟一個鹽燒羊架。羊架大大枝，份量十足，可惜弄得太乾身，羶味亦不夠，冇乜興趣。自己反而不斷夾嗰D炸蒜粒嚟食...金蠔崧生菜包--- 金蠔非常之惹味，配合筍粒及肉粒而炒成；用生菜包住食，一濃一淡，配合得天衣無縫...南乳齋煲--- 普普通通。呢味就真係只有阿媽先煑得最好食..水準平均，可以一試ge...