黑木 (已結業)

平時食開壽司嘅Omakase 就食得多今日就同朋友嚟到依間低調嘅餐廳食串燒Omakase，因為佢哋係逐張逐串燒所以大家都預多啲少少時間過嚟呢間餐廳。我哋總共食咗10道菜有鱈魚乾、磯煮鮑魚、燒牛舌、免治雞肉釀冬菇、燒白鰻、燒雞翼、燒牛肋肉、豚肉包萵筍、昆布白布烏冬、燒菠蘿配紅豆奶凍同綠茶蕨餅。咁多個菜式入邊我就最欣賞佢哋以下呢幾個，首先講吓免治雞肉釀冬菇食落Juicy呢個配搭冇得輸配埋蛋汁一流！之後磯煮鮑魚食落都幾淋，有淡淡嘅鮑魚味。仲有燒白鰻，呢個真係整得非常好食，燒到啱啱好外脆內嫩，調味一流！佢地嘅鹿兒島豚肉包萵筍都好值得欣賞，估唔到佢地又幾夾，仲好有心思係中間落左少少蝦醬，帶出左萵筍嘅甜。