東京食堂 (已結業)

位於尖沙咀既呢間東京食堂，位置唔算太方便，但通常呢啲小店位置都會比較遠，不過個人認為只要好食，再遠都無乜所謂嘅～而店內既位置唔多，餐牌上既選擇都係以大路日本野為主，價錢亦唔算太貴，而今次就叫左一份鰻魚飯，同一份雞親子丼鰻魚飯（$88）首先佢鰻魚既份量都好大條，而鰻魚既魚身亦夠厚，唯獨係略嫌燒得未係太香脆，而食落亦有濃厚既鰻魚味，而味道亦較得剛好，而隨餐仲有跟麵豉湯同飯，而飯上面有灑左小小飯素，味道都算唔錯～親子丼（$54）雞肉既份量都好多，而調味亦都唔錯，但個人認為蛋既份量就唔多夠，唔能夠覆蓋到所有飯，而呢樣都係親子丼幾重要既事，蛋汁最好係比較多能夠撈到落啲飯到，但呢碗個人認為就唔多夠啦～總結呢間餐廳以味道同價錢取勝，性價比都唔差，係可以嚟食既一間餐廳👍🏻