71
62
22
等級4
2010-07-30 19 瀏覽
今日(30-7-2010 Fri)同男友食早餐返工,唔知食邊間好,行到天橋男友諗境呢間,於是提議.啊,好啊.o黎到近門口o既位都冇晒,我o地就行入去,冇早餐o既餐牌,男友自己行出去拎.然後我o地落單,男友要$18.00o既奶醬吐司,加$2.00要凍奶茶.我要$20.00o既腸仔炒蛋通粉配吐司,亦加$2.00要凍奶茶但拎走.等o左4分鐘,男友o既奶茶至到o黎,接住係我o既通粉,都幾大碗o架,味道夠鹹,o岩o岩好,裡面亦有粟米粒同生菜.食食吓,另一個女侍應拎我o既凍奶茶o黎,佢問我要唔要膠袋,我答唔使lu.而杯奶茶大大杯,飲吓先,有茶味,但奶偏多,否則係好好o既港式奶茶.(到晏晝我o係公司有輕微肚痛,應該係太多奶o既緣故喇.)10分鐘後,重未見吐司o黎,我要返工o架,問問侍應,佢至話我知吐司機壞壞地,所以要多啲時間,問我要唔要轉其他.點解唔o係落單時講?之後又冇講,要等到我開口問,我問要等幾耐?佢話都一段時間o架.唔係o掛?咁我轉多士啦,男友都轉.再等多4分鐘,我o既多士到o黎,得半件啫,佢o地好似冇乜塗牛油,好乾但脆o既.而男友o既奶醬多士到o黎,睇見有好多粒粒花生醬同煉奶,有啲似一片大
更多
今日(30-7-2010 Fri)同男友食早餐返工,唔知食邊間好,行到天橋男友諗境呢間,於是提議.啊,好啊.

o黎到近門口o既位都冇晒,我o地就行入去,冇早餐o既餐牌,男友自己行出去拎.然後我o地落單,男友要$18.00o既奶醬吐司,加$2.00要凍奶茶.我要$20.00o既腸仔炒蛋通粉配吐司,亦加$2.00要凍奶茶但拎走.

等o左4分鐘,男友o既奶茶至到o黎,接住係我o既通粉,都幾大碗o架,味道夠鹹,o岩o岩好,裡面亦有粟米粒同生菜.

食食吓,另一個女侍應拎我o既凍奶茶o黎,佢問我要唔要膠袋,我答唔使lu.而杯奶茶大大杯,飲吓先,有茶味,但奶偏多,否則係好好o既港式奶茶
.(到晏晝我o係公司有輕微肚痛,應該係太多奶o既緣故喇.
)

10分鐘後,重未見吐司o黎,我要返工o架,問問侍應,佢至話我知吐司機壞壞地,所以要多啲時間,問我要唔要轉其他.
點解唔o係落單時講?之後又冇講,要等到我開口問,我問要等幾耐?佢話都一段時間o架.
唔係o掛?咁我轉多士啦,男友都轉.


再等多4分鐘,我o既多士到o黎,得半件啫,佢o地好似冇乜塗牛油,好乾但脆o既.

而男友o既奶醬多士到o黎,睇見有好多粒粒花生醬同煉奶,有啲似一片大雨過後o既爛地.L

我食完呢餐就拎住未飲晒o既奶茶,急急腳返工喇.

服務:
除o左上面講o既吐司問題外,原來入面係死角位,侍應們係唔多pay attention o係呢邊,差唔多次次都要做廚房o既小妹妹幫手叫侍應.

落單時要奶茶,個女仔話唔知有冇奶茶,就走去問問.我睇餐牌話可轉港式飲品,顯然佢唔係咁清楚.

環境:
座位係幾舒適,不過由於入面近廚房,所以會熱少少.

加埋被忽略o既服務,唔怪得冇人肯入o黎坐.

上次食評: http://www.openrice.com/restaurant/commentdetail.htm?commentid=1955278
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2010-07-30
等候時間
14 分鐘 (堂食)
人均消費
$21.00 (早餐)