北海道食堂 (已結業)

颱風過後，諗住食番餐好，見之前屋企人介紹過哩間野唔錯打算去食。去到現場既時候都要等20，30張飛，但已經係兩點幾既時候。咁入座既時候就嘗試左佢地既極上放題，眼見餐廳內都頗為多人 中，心諗食物嘅質素應該唔錯掛？但真係恕我諗太多。首先，餐牌主要分為：刺身、串燒、鐵板、天婦羅同一啲沙律，仲有熟食。喺刺身方面，魚生刀功非常差，時厚時薄，連角切都敢同我講係一件。落單數量永遠同現實數量不符。加洲卷細件過擦子膠，連鋪滿少少魚子都做唔到。蔥吞手卷個pat醬細過手指甲，寒酸到呢⋯其次，串燒真係該店最大嘅敗筆，所有腩肉柴到練緊牙力咁。更不得不提佢嘅牛舌，唔明點樣佢可以做到每串第一舊正常，第二舊韌過橡筋既效果， 叫咗三串，三串都係同一樣效果。鐵板方面，得廣島蠔稍為係正常少少，其他都真係一般，火候控制得極差，質素非常參差。天婦羅同沙律好簡單：冇咗影。直到last order係嘅時候先識得俾返兩碟接我哋，又厚粉，又好大浸油味。$258人頭，可以有大把選擇，請大家三思。