影片
更多
2024-06-05
64 瀏覽
終於迎來沒有下雨的一天，難得天氣好所以就約咗朋友出去中環食個午餐。.揀咗呢一間有室內有室外嘅餐廳，可以喺室內食返個午餐之後，再去室外Chill下影下相。餐廳露台嘅位置可以睇到大館嘅風景，成個感覺幾開揚。.午市時間有lunch set，包咗餐湯、一個主菜、沙律，仲有甜品或飲品。今日嘅餐湯係南瓜薑黃湯，飲落去帶有南瓜香氣之餘，仲有薑黃辣辣地嘅風味，味道調味都幾特別。沙律冰凍清爽，同埋食得出沙律菜用得幾新鮮，少許橄欖油潤滑一下已經足夠好吃。.🍝主菜方面我哋叫咗一個Pizza一個意粉share。意粉“Pollo e Funghi“食落去芝士嘅香味非常濃郁，雞絲份量亦都好多，長通粉軟硬適中，而汁嘅份量亦都剛好，冇乜挑剔，係好穩陣唔會輸嘅配搭。.🍕不過要說驚艷都係佢哋嘅手工制Pizza，我地叫嘅“Tonno“，裡面嘅材料有Tuna, Tomato, Mozzarela di Bufala Campana DOP, Onion等等，雖然係一人午餐，但係Pizza嘅size都幾大，上面滿佈吞拿魚同埋洋蔥，平時唔鍾意食洋蔥嘅我竟然對呢個配搭出奇地覺得喜歡。洋蔥爽脆清甜，加上大量嘅吞拿魚，味道balanc
.
揀咗呢一間有室內有室外嘅餐廳，可以喺室內食返個午餐之後，再去室外Chill下影下相。餐廳露台嘅位置可以睇到大館嘅風景，成個感覺幾開揚。
.
午市時間有lunch set，包咗餐湯、一個主菜、沙律，仲有甜品或飲品。今日嘅餐湯係南瓜薑黃湯，飲落去帶有南瓜香氣之餘，仲有薑黃辣辣地嘅風味，味道調味都幾特別。沙律冰凍清爽，同埋食得出沙律菜用得幾新鮮，少許橄欖油潤滑一下已經足夠好吃。
.
🍝主菜方面我哋叫咗一個Pizza一個意粉share。意粉“Pollo e Funghi“食落去芝士嘅香味非常濃郁，雞絲份量亦都好多，長通粉軟硬適中，而汁嘅份量亦都剛好，冇乜挑剔，係好穩陣唔會輸嘅配搭。
.
🍕不過要說驚艷都係佢哋嘅手工制Pizza，我地叫嘅“Tonno“，裡面嘅材料有Tuna, Tomato, Mozzarela di Bufala Campana DOP, Onion等等，雖然係一人午餐，但係Pizza嘅size都幾大，上面滿佈吞拿魚同埋洋蔥，平時唔鍾意食洋蔥嘅我竟然對呢個配搭出奇地覺得喜歡。洋蔥爽脆清甜，加上大量嘅吞拿魚，味道balance得幾好。Pizza側邊質感綿密，底部夠薄身，個人亦都幾鍾意。
～
☕️最後甜品方面推薦佢哋Caffè Affogato，雪糕用上雲呢拿雪糕，大大球嘅雪糕上面有好多雲呢拿籽，雲呢拿味好濃郁，加上微酸Espresso，提神又醒胃。
～
Abbraccio (中環)
中環雲咸街75-77號嘉兆商業大廈5樓
張貼
