Between (大館) (已結業)

今日黎左大館幫朋友影相，中途有啲攰，所以期間黎到依家cafe食下午茶。地點環境唔錯，有戶外座位，但見當日天氣麻麻，我地都係坐返室內座位。我地叫左點左日本雞蛋細香蔥蛋黃醬三文治，口感豐富，溏心蛋熟度剛剛好，配合埋蛋黃醬食落好清爽，好依家依種潮濕嘅天氣食。另外我地點左鰻魚飯，飯粒粒粒分明，好香鰻魚味，肉質都唔錯，都算新鮮。食物份量都剛剛好，都夠大碗，食完都唔會唔夠飽。飲品方面味道都正正常常，所以下次黎大館可以不妨試試依家cafe。