影片
更多
2011-12-17
14 瀏覽
好多同事朋友都話Amanda 的蛋榚非一般好味，茶又好飲，咁有次去公幹經過ifc咪去試吓。嗰次叫咗一杯latte，發現同starbucks 一樣咁惡飲，淡如滾水，有一些苦涩味。最恐怖係杯野暖的。侍應小姐都算有禮貎，但真係要去學吓點沖咖啡事隔三日的下午三點鐘同朋人去呢間舖頭，同行問啊名模Amanda重有冇蛋榚，佢話賣晒。之後佢驚轉頭賣晒，咁再問可唔可以依家畀錢等三點半再攞，Amanda幾唔客氣咁話"唔得呀，咁唔啱我地規矩，你三點半再來過啦!" 好有mimosa風度。各處鄉村各處例，你啱的，但咁同客人講野亦唔係香港呢個大城市的消費慣例，本應想出聲，但女士嘈緊時最好唔好講咁多，況且朋友被串完都冇乜難受感覺等到三點半本座去霸位，而托友人買一杯latte，因為唔想食咁多甜食，又冇理由齋坐。講講吓電話有位女士問"唔好意思呀，你係唔係一個人呀，介唔介意撘枱呢"，唯有同佢講有兩個同行去買緊餅，佢就唔該完之後咁走咗去。原來佢係幫手安排帶位同好有禮貎咁趕走啲Starbucks霸位食客。朋友番來之後先試咗杯latte，照舊係毫無進步。反而三個蛋榚又真係幾美味。本座唔係好識食蛋榚，每款都只係咗一啖，但發現每款
好多同事朋友都話Amanda 的蛋榚非一般好味，茶又好飲，咁有次去公幹經過ifc咪去試吓。嗰次叫咗一杯latte，發現同starbucks 一樣咁惡飲，淡如滾水，有一些苦涩味。最恐怖係杯野暖的。侍應小姐都算有禮貎，但真係要去學吓點沖咖啡事隔三日的下午三點鐘同朋人去呢間舖頭，同行問啊名模Amanda重有冇蛋榚，佢話賣晒。之後佢驚轉頭賣晒，咁再問可唔可以依家畀錢等三點半再攞，Amanda幾唔客氣咁話"唔得呀，咁唔啱我地規矩，你三點半再來過啦!" 好有mimosa風度。各處鄉村各處例，你啱的，但咁同客人講野亦唔係香港呢個大城市的消費慣例，本應想出聲，但女士嘈緊時最好唔好講咁多，況且朋友被串完都冇乜難受感覺
等到三點半本座去霸位，而托友人買一杯latte，因為唔想食咁多甜食，又冇理由齋坐。講講吓電話有位女士問"唔好意思呀，你係唔係一個人呀，介唔介意撘枱呢"，唯有同佢講有兩個同行去買緊餅，佢就唔該完之後咁走咗去。原來佢係幫手安排帶位同好有禮貎咁趕走啲Starbucks霸位食客。朋友番來之後先試咗杯latte，照舊係毫無進步。反而三個蛋榚又真係幾美味。本座唔係好識食蛋榚，每款都只係咗一啖，但發現每款都出色。個酥皮同奶油的味好夾，酥皮係乾身的，唔似得有啲苴野一掂奶油就淋晒。酥皮入口之後重係脆身，難得係冇咗奶油層酥皮亦唔會寡，有不知名的香氣散發出來。最重要係酥皮比奶油份量多，食完個口都唔會成口奶油。可惜係個羮唔生性，一篤入個酥皮蛋榚，上兩層皮好似冧樓咁下陷，啲碎片散落一地。每一層酥皮層都係由好多層酥皮組成，而每塊之間都有空隙，唔似有啲蛋榚咁一咬落去硬崛崛，而呢個亦係呢個蛋榚的重大買點。的雖然個香橙蛋榚入面的奶油較多，但唔會喧賓奪主，令個硬餅底失色。個匙羮一鋸落去，個橙層，奶油同餅底好柔軟咁黏在一齊，唔好散收收。呢個橙蛋榚較甜，油奶入面混合果味，同層皮的味一樣，變化比酥皮蛋榚失色。Amanda一大敗畢之處係個蛋榚上面有一塊唔食得的紙牌，真係唔知放喺度做乜？又唔食得又唔係美觀過人。可能將個牌變成朱古力又唔識合每款蛋榚，咁乾脆唔好放好過，反正個賣相己經好過晒Zoe啲肉酸西餅。其實咁樣比質素又唔係咁公平，因為大家的級數唔同，需然價錢係一模咁貴
食食吓剛才那位女士行過來介紹個蛋樣點整，又教咗我地點樣叉個酥皮先唔會散，可惜聽完唔記咗正確做法。其間大家閑談咗十分鐘，朋友們都好賞識呢位太太咁殷勤款待我地呢啲一啲都唔豪的希客，算係有啲驚喜。但最離奇係呢位女士同Amanda個輪廓好似，雙眼同個面形直頭一模一樣，講說話同表情係有一種住咗喺外國好多年的神韻動靜。朋友事後話佢係Amanda個娘親，咁真係估唔到呢位星媽會＂大駕光臨＂來呢到幫手
張貼
