影片
更多
2022-07-19
3268 瀏覽
前幾日同朋友行完山出返油塘鬼咁肚餓，就決定喺大本型開餐醫醫肚先~同行朋友係健康人士，但我又想食啲香口嘢喎，真係好難搵餐廳 <(｀^´)>竟然俾我哋喺天台搵到間啱晒大家口味嘅餐廳！餐廳標榜無添加無味精仲要用自家有機菜，講到咁就當然要去一探究竟啦！-天氣咁好就緊係要吸收下維他命C啦 (´∀`) 所以同朋友仔選擇咗坐戶外餐廳行半自助模式嘅，出面嘅自助吧有飯、有湯、有咖啡、自家製嘢飲同埋沙律菜拎同行朋友一定聽到有沙律菜任拎就即刻心心眼，揀完食乜嘢落完單就即刻衝咗出去 o(-`д´- ｡)出到去發現沙律吧嘅選項唔算多，有紅生菜、紅腰豆、大大粒嘅車厘茄同埋粟米，不過都睇得出啲菜好新鮮，咬落口非常爽脆嘅，仲好甜添~嘢飲我就拎咗杯凍嘅檸檬水，朋友就拎咗杯黑蚊蚊嘅嘢，佢仲笑我唔識嘢原來係餐廳啲老友記侍應自家煲嘅羅漢果茶，出面無乜餐廳有，飲完可以清熱解暑，最啱行完山飲返幾杯~眼見仲有湯水同蓮子粥可以揀，啱晒啲養生人士，我同朋友仔就無試了，下次一定會試返！-同朋友傾咗陣偈就有得食lu~我哋兩個人叫咗兩個小菜同埋一碟炒河，一上枱就俾個分量嚇親 Σ( ° △ °|||)作為煎炸嘢愛好者同埋田雞控
115 瀏覽
0 讚好
0 留言
同行朋友係健康人士，但我又想食啲香口嘢喎，真係好難搵餐廳 <(｀^´)>
竟然俾我哋喺天台搵到間啱晒大家口味嘅餐廳！餐廳標榜無添加無味精仲要用自家有機菜，講到咁就當然要去一探究竟啦！
-
天氣咁好就緊係要吸收下維他命C啦 (´∀`) 所以同朋友仔選擇咗坐戶外
餐廳行半自助模式嘅，出面嘅自助吧有飯、有湯、有咖啡、自家製嘢飲同埋沙律菜拎
同行朋友一定聽到有沙律菜任拎就即刻心心眼，揀完食乜嘢落完單就即刻衝咗出去 o(-`д´- ｡)
出到去發現沙律吧嘅選項唔算多，有紅生菜、紅腰豆、大大粒嘅車厘茄同埋粟米，不過都睇得出啲菜好新鮮，咬落口非常爽脆嘅，仲好甜添~
嘢飲我就拎咗杯凍嘅檸檬水，朋友就拎咗杯黑蚊蚊嘅嘢，佢仲笑我唔識嘢
原來係餐廳啲老友記侍應自家煲嘅羅漢果茶，出面無乜餐廳有，飲完可以清熱解暑，最啱行完山飲返幾杯~眼見仲有湯水同蓮子粥可以揀，啱晒啲養生人士，我同朋友仔就無試了，下次一定會試返！
-
同朋友傾咗陣偈就有得食lu~
我哋兩個人叫咗兩個小菜同埋一碟炒河，一上枱就俾個分量嚇親 Σ( ° △ °|||)
作為煎炸嘢愛好者同埋田雞控，一睇menu就俾個椒鹽田雞腿幾隻字吸引咗
有機香葉椒鹽田雞腿
64 瀏覽
0 讚好
0 留言
有機香葉椒鹽田雞腿
田雞腿大大隻啖啖肉，一啲腥味都無，個炸漿唔會過厚，炸得啱啱好金黃色，一啲都唔覺得油膩，連同行嘅健康人士都大讚好味~
涼瓜炒無激素雞蛋
71 瀏覽
0 讚好
0 留言
涼瓜炒無激素雞蛋
天時暑熱最啱食苦瓜下下火，雖然我聽見就怕怕，但朋友點名要試，佢話煮得好食唔苦㗎！好啦就信佢一次，咦又真係唔苦，食落有少少甘味又有少少甜味，加埋啲炒得啱啱好嘅雞蛋又幾好食喎~
菜遠炒牛肉河粉
63 瀏覽
1 讚好
0 留言
鑊氣十足嘅港式小炒，牛肉片夠厚身，炒到微微焦香，入口唔老，炒河條條分明唔會痴埋一嚿嚿，唔錯唔錯~
-
總括嚟講，今次用餐體驗都幾唔錯，老友記侍應們都好熱心有禮，嘢食質素都唔錯 ｡^‿^｡而且環境好好，有得坐喺室外打吓卡，呼吸吓新鮮空氣，而且仲有風機吹住，都算幾舒服~下次晏啲嚟仲可以睇住日落食飯添
張貼
