La Terrazza Bar & Grill (已結業)

特別日子，搵左呢間好似少少高級嘅餐廳試吓。香芒鮮蝦鮮雜果沙律 $168。冇諗過會咁大盆，用料好新鮮，超好食。扒波特菇燴雜菌忌廉汁意粉$108。賣相好靚，醬汁好香濃。食完會想再食。美式燒豬仔骨伴沙律及薯條 $138。有啲椒鹽喺面嘅薯條好好食。豬仔骨醬汁又係好好味，加埋沙律食會冇咁膩。烤羊架蒜香紅酒汁伴時蔬 $158。賣相好靚，但筆者唔食羊，所以唔知好唔好食。雖然唔平，但係食物質素都對得住個價錢，再有紀念日子都會嚟食。