華姐清湯腩

營業中

休息中

幸運地某個星期五12點左右嚟到冇人排隊，即刻有得坐底食，店員好nice有禮貌，就想知究竟係咪真係咁好食🤣定純粹遊客吹大咗🍜牛腩河｜💰$75湯底偏甜，飲完都唔會口乾👍🏻河粉煮得偏熟，食到底已經碎晒同埋太淋🥲🐻生覺得麵底九記好食啲，湯底就見人見智～牛腩方面視乎切嘅部位，有啲部位會比較老同硬，但好彩呢碗都好淋🤤🍜牛三寶河（牛腩+牛筋+牛肚）｜💰$110呢碗嘅牛腩冇牛腩河咁好運，有幾舊邊角位都比較硬，🐻生就覺得除咗坑腩之外都唔好食，同九記不相伯仲🤔牛筋同牛肚本體係好食，牛肚都係正中間嘅部位，淋得黎有咬口，但係清湯牛筋同牛肚總係會覺得唔夠味，都係炆過嘅入味果種會好食啲