影片
更多
2024-09-19
155 瀏覽
今日lunch time經過天后呢間日式燒肉店決定同同事入嚟試下，入到門口已經覺得裝修好有心思，好似去咗日本嘅餐廳咁。今次我哋就叫咗個午市商務二人前，$399有無限任添嘅前菜、燒肉、兩份午市定食、甜品同飲品，真係超抵食！前菜有任添嘅泡菜、蓮藕、海帶同埋麵豉湯，但我哋想留肚食主食，所以食咗一round就冇嗌，而且有時仲會有豆芽、茄子、大根唔同嘅款式，唯有下次再嚟試。另外仲有個柚子醬醋沙律，面頭仲有啲芝士粉同埋麵包粒，超好食！燒肉方面，今次呢個set可以揀超長日式牛仔骨同四味五花肉，我哋今次就揀咗牛仔骨，烤肉調味仲有提供日式烤汁、豆瓣醬、黑椒岩鹽同埋蒜片，不過牛仔骨本來已經醃製好，唔洗額外醬汁都好入味，牛仔骨肥瘦均勻，有肉眼可見嘅雪花，一放入烤爐已經香氣撲鼻，每一啖嘅牛肉都軟腍入味，鮮嫩多汁，絕對會想再encore！另外枱上仲有鉸剪，可以剪成一塊塊咁慢慢燒。主食方面，可以揀$88嘅午市定食一份，今次我哋就嗌左吉列豬扒配黑松露忌廉石鍋烏冬，吉列豬扒每一啖都好香脆，炸得啱啱好，肉質細嫩，而最有驚喜嘅係呢個黑松露忌廉烏冬，一上碟，黑松露嘅香味已經撲鼻而黎，配埋邪惡嘅忌廉，口感豐富，簡直係人生組合
前菜有任添嘅泡菜、蓮藕、海帶同埋麵豉湯，但我哋想留肚食主食，所以食咗一round就冇嗌，而且有時仲會有豆芽、茄子、大根唔同嘅款式，唯有下次再嚟試。另外仲有個柚子醬醋沙律，面頭仲有啲芝士粉同埋麵包粒，超好食！
燒肉方面，今次呢個set可以揀超長日式牛仔骨同四味五花肉，我哋今次就揀咗牛仔骨，烤肉調味仲有提供日式烤汁、豆瓣醬、黑椒岩鹽同埋蒜片，不過牛仔骨本來已經醃製好，唔洗額外醬汁都好入味，牛仔骨肥瘦均勻，有肉眼可見嘅雪花，一放入烤爐已經香氣撲鼻，每一啖嘅牛肉都軟腍入味，鮮嫩多汁，絕對會想再encore！另外枱上仲有鉸剪，可以剪成一塊塊咁慢慢燒。
主食方面，可以揀$88嘅午市定食一份，今次我哋就嗌左吉列豬扒配黑松露忌廉石鍋烏冬，吉列豬扒每一啖都好香脆，炸得啱啱好，肉質細嫩，而最有驚喜嘅係呢個黑松露忌廉烏冬，一上碟，黑松露嘅香味已經撲鼻而黎，配埋邪惡嘅忌廉，口感豐富，簡直係人生組合，必點！
另一份主食我哋就揀咗韓式雞肉，醬汁醃得好入味，仲有檸檬可以加小小用嚟解膩，去骨雞肉彈牙juicy，呢個餐仲配埋紫菜碎日本珍珠米飯，日本珍珠米粒粒分明，真係好好食。
食完主食嘅最後仲有雪糕包埋，但因為我哋實在太飽，最後都冇食到，而飲品就可以揀汽水同梳打水，冰仲要另名上，好貼心，人均$200食到咁高質嘅日式燒肉店真係好抵！
柚子醬醋沙律
34 瀏覽
0 讚好
0 留言
超長日式牛仔骨
31 瀏覽
0 讚好
0 留言
超長日式牛仔骨
26 瀏覽
0 讚好
0 留言
吉列豬扒
18 瀏覽
0 讚好
0 留言
黑松露忌廉石鍋烏冬
1 瀏覽
0 讚好
0 留言
韓式雞肉
0 瀏覽
0 讚好
0 留言
張貼
