叁嘗 (已結業)

星期天參加完大型活動後，途經天后，看到餐廳名字好特別，叫Sheep and Pig，店內以白色為主調，而且係落地玻璃，增加了室內的空間感，感覺幾舒服。剛啱有啲餓，同埋都到了食飯時間，所以同朋友決定入去試下，支持一下小店。我們各自點了一款菜。原條鰻魚滑蛋丼（$108）整體賣相不錯，大大粒日本米飯上，放了原條鰻魚和滑蛋，鰻魚汁分量適中，味道不太甜，鰻魚厚身，肉質肥美而不油膩，味道鮮甜，而滑蛋口感還可以，不算太滑，没有什麼蛋汁，有少少偏乾，没有蛋香，有點失色。如果蛋連鰻魚一齊食，就是佐飯恩物。明太子蟹肉忌廉意粉 ($110)意粉應該是即叫即整，所以等既時間比較長少少，意粉能做到煙靭形狀態，每條意粉都沾著一層忌廉和明太子，再配上蟹肉和蟹籽，味道夠哂濃郁，蟹肉的部份應該不是罐頭，而是新鮮的。整體味道非常討好。在openrice 其他食家的食評說，這家的卷物和雞翼都相當出色，下次有機會會再來試。