影片
更多
2014-10-19
4040 瀏覽
望穿秋水，等到變左長頸鹿……終於輪到十月之星生日會 嘞！靚女密友係北角"渣華軒"幫我地几位天坪座友搞生日，今次揀左豪華私房菜全包宴。話明豪華宴，跟上次"阿拉斯加大蟹粥"相比, 餸菜方面當然比較名貴, 除左保留返"回彊熱石火焰羊鞍"、"黃金裹蒸粽"及"杏汁官燕大團圓湯圓"之外，聽講有彿跳牆食啊 ！咁滋補，巧期待……1.豪華乳豬全體 : 乳豬皮相當卜卜脆，肉質超幼滑嫩口，唔肥膩。2.吉列大海蝦沙律 : 炸得勁酥脆，蝦肉爽彈鮮甜，沙律生果粒粒新鮮醒胃。3.回彊熱石火焰羊鞍 : 今次d羊架太大羶味，肉質韌實！4.西芹百合珊瑚蚌煎帶子 : 最鐘意食腰果，又香又脆。西芹百合爽口新鮮。帶子、珊瑚蚌夠鮮甜彈牙。5.瑤柱鮮菇扒碧綠 : 蛋白鮮菇美味可口。6.士多啤梨生炒骨 : 大廚巧妙地運用士多啤梨代替菠蘿來炒，好有創意，賣相吸引，但士多啤梨味平，始終唔夠菠蘿酸甜好味！至於生炒骨，個炸粉厚實，肉質較韌！7.鳳城脆皮走地雞 : 皮脆肉嫩。8. 花膠魚翅佛跳牆 : 大廚服務好又親民，親自為我地分湯！材料多，有雞腳、雞肉、花膠、鮑魚仔、金華火腿等...可惜花膠似魚鰾多d，鮑魚仔亦屬一般平
1.豪華乳豬全體 : 乳豬皮相當卜卜脆，肉質超幼滑嫩口，唔肥膩。
2.吉列大海蝦沙律 : 炸得勁酥脆，蝦肉爽彈鮮甜，沙律生果粒粒新鮮醒胃。
3.回彊熱石火焰羊鞍 : 今次d羊架太大羶味，肉質韌實！
4.西芹百合珊瑚蚌煎帶子 : 最鐘意食腰果，又香又脆。西芹百合爽口新鮮。帶子、珊瑚蚌夠鮮甜彈牙。
5.瑤柱鮮菇扒碧綠 : 蛋白鮮菇美味可口。
6.士多啤梨生炒骨 : 大廚巧妙地運用士多啤梨代替菠蘿來炒，好有創意，賣相吸引，但士多啤梨味平，始終唔夠菠蘿酸甜好味！至於生炒骨，個炸粉厚實，肉質較韌！
7.鳳城脆皮走地雞 : 皮脆肉嫩。
8. 花膠魚翅佛跳牆 : 大廚服務好又親民，親自為我地分湯！材料多，有雞腳、雞肉、花膠、鮑魚仔、金華火腿等...可惜花膠似魚鰾多d，鮑魚仔亦屬一般平價貨色。整個湯水淡而乏味，完全無藥材味, 唔店！
9.清蒸生猛巴龍疐 : 魚肉新鮮滑溜。
10.黃金裹蒸粽 : 同上次一樣，保持水準！
11.杏汁官燕大團圓湯圓 : 上次飽得滞食唔落，今次終於俾我試到！杏仁味濃郁幼滑，芝麻湯圓煙煙韌韌，勁潤喉！
12.賀壽蟠桃 : 今次d壽包唔夠軟熟，好次係d隔左夜咁！
13.合時美果 : 西瓜及火龍果，唔多夠甜囉。
今餐食得好開心好感動，多謝哂各位好友！比我揀多次，還是覺得大蟹粥最好！
張貼
