麵屋丸京

營業中

休息中

已經食過呢間麵屋丸京幾次，有一排無食。天氣好凍呀，成個星期都好似低過10度甘，已經成兩點幾，先食個好晏o既 Lunch，好彩唔駛排隊 。因為呢間拉麵，食飯時間通常都 keep 住有人排隊，本身諗住兩點幾應該唔駛排，去到的確唔駛排，但食完果陣，又見到有人排隊。不過，食拉麵都好快，等都係等一陣。又凍又餓，張枱得凍水，問下有無得拎杯暖水，有wor(感動)。點左個清湯半熟卵拉麵，有溏心蛋、日式叉燒，$73，好食o既拉麵o黎講，算幾抵! 溏心蛋好味，雖然凍凍地，但浸落d湯到岩岩好。日式叉燒好似話低溫煮熟，比一般日式叉燒偏向粉紅色，好嫩 (餐廳有好多牌仔寫住烹調方法乎合食環處標準)，件日式叉燒的確幾好味，鍾意呢件日式叉燒既話，可以選擇極上或叉燒拉麵，有好多舊。至於湯底，有清湯、有濃湯，第一次食o既時候，選擇左濃湯，覺得太油膩，之後食都選擇清湯，覺得剛剛好。拉麵就偏硬 ，無得選擇軟硬度既。如果鍾意食辣，可以落埋枱上o既辣醬，唔錯，還有蒜蓉。