Poseidon Restaurant & Bar (已結業)

今日小弟同女友人去左海港城行下,發現海港城好多食店都裝修緊轉新餐廳. 咁我地行到攰就去覓食啦, 但又覺得海港城好多野都食過同埋間BLT Burger又執左, 咁就去左亞士厘道揾野食， 朋友話呢間poseidon個 burger都唔錯. 咁我就同女友人黎試下啦. 佢呢度內裝都幾寬躺. 野食我地就叫左魚子醬三文魚他他,白酒煮青口，黑松露芝士pizza, poseidon original burger!.. 味道方面個魚子醬三文魚他他真係堅足料！, 佢爆多魚子醬係面再撈埋煙三文魚碎食真係好fresh好greedy! 極奢華既味兒. 個白酒煮青口就好新鮮同好大隻d白酒汁都好濃味。。 個黑松露芝士pizza又係勁足料好香黑松露味， 佢既比例係每塊pizza都有劈黑松露醬.. 個poseidon original漢堡包就都唔錯,佢個牛肉打得好軟熟同重牛香再配埋淡淡香濃既芝士醬食好惹味勁heavy.. 整體黎講我同女友人都好滿足