影片
更多
2021-12-11
389 瀏覽
連續第三晚到訪，今晚仲唔比我食到您！不幸地要坐街邊，寒風凜凜，短頭髮好那凍留晒鼻水啊！四位制服嬸嬸浩浩蕩蕩著住恤衫西褲放工，講著半咸淡廣通話嘈嘈吵吵地話要黎串燒妹試食。隔離枱學生妹們廣東話夾雜普通話，侍應阿姐同樣操港通話，到底有無香港民呢？您們那裡去了？妹妹又係您呀？真有緣又係您搭枱同我撐枱腳。隔離兩位妹妹一個食 BB 辣、一個食少辣，食到鬼殺咁嘈好辣好辣，笑死朕我咩！兩位妹妹始終覺得太辣，最後要倒晒辣湯走再加唔辣清湯。肥牛魚片頭韮菜重慶酸辣湯紅薯粉大辣，肥牛鬆軟羶香亦帶甜，片頭極彈咸鮮點點魚味，圓圓紅薯粉嚥韌彈彈滑溜溜，跟大量辣湯齊齊享用，刺激醒神！金菇蘿蔔韮菜豬紅麻辣湯紅薯粉大辣，點解要落錯單迫我食紅薯粉呢？我要淨韮菜豬紅金菇蘿蔔，操完拳唔食澱粉質唔食粥粉麵飯，已經唔係第一次好鬼衰架！蘿蔔優質爽甜，不過蘿蔔皮太厚有渣。金菇同樣爽甜，吸汁吸湯麻辣非凡。辣能給您點點開心愉快感覺！墨魚丸豬膶韮菜煙鴨胸蘿蔔麻辣湯粉絲大辣，普通廉價火鍋級墨魚丸粉多硬實無鮮味，煙鴨胸片咸咸油油鞋烚烚，蘿蔔爽硬未入味帶少少酸有少少渣。配菜不是重點，粉絲索盡麻辣湯才是主角！綿滑粉絲配大大啖湯，辣到滿頭大汗非常舒服
妹妹又係您呀？真有緣又係您搭枱同我撐枱腳。隔離兩位妹妹一個食 BB 辣、一個食少辣，食到鬼殺咁嘈好辣好辣，笑死朕我咩！兩位妹妹始終覺得太辣，最後要倒晒辣湯走再加唔辣清湯。
肥牛魚片頭韮菜重慶酸辣湯紅薯粉大辣，肥牛鬆軟羶香亦帶甜，片頭極彈咸鮮點點魚味，圓圓紅薯粉嚥韌彈彈滑溜溜，跟大量辣湯齊齊享用，刺激醒神！
金菇蘿蔔韮菜豬紅麻辣湯紅薯粉大辣，點解要落錯單迫我食紅薯粉呢？我要淨韮菜豬紅金菇蘿蔔，操完拳唔食澱粉質唔食粥粉麵飯，已經唔係第一次好鬼衰架！蘿蔔優質爽甜，不過蘿蔔皮太厚有渣。金菇同樣爽甜，吸汁吸湯麻辣非凡。辣能給您點點開心愉快感覺！
墨魚丸豬膶韮菜煙鴨胸蘿蔔麻辣湯粉絲大辣，普通廉價火鍋級墨魚丸粉多硬實無鮮味，煙鴨胸片咸咸油油鞋烚烚，蘿蔔爽硬未入味帶少少酸有少少渣。配菜不是重點，粉絲索盡麻辣湯才是主角！綿滑粉絲配大大啖湯，辣到滿頭大汗非常舒服！
生根豬膶菜肉雲吞麻辣湯粉絲大辣，生根香口嚥韌吸盡辣汁勁刺激！豬膶經常過熟乾硬，今次都不例外。菜肉雲吞多多皮少少餡，食味普通。牛柏葉肥牛韮菜麻辣湯河粉大辣，麻到嘴脣都震埋，十分興奮暢快！大大啖勁辣湯浸著滑滑河粉齊齊塞入口特別惹味，牛柏葉索湯極爽不韌。
魚蛋豬皮鮮魚腩酸辣湯河大辣，忘記走蔥走芫茜走花生，花點寶貴時間挑走。湯底味-道比以往差唔夠酸辣香，再加上夠熱只暖暖地，扣分不少。鮮魚腩甩到成碗都係骨碎，要好小心食，食到點點鮮點點甜，魚蛋彈彈還可以，豬皮硬掘掘。
金菇牛腩墨魚丸韮菜餃重慶酸辣湯紅薯粉大辣，夠酸夠辣夠晒熱食到飈晒汗！就係依隻久違既味道喇。牛腩鬆化軟棉無渣且炆得入味，韮菜餃飽滿多汁，普通墨魚丸多粉硬實。靚女我都話要淨餸唔要薯粉底，人家操完拳唔食粥粉麵飯要減磅，激死我！既然您盛意拳拳送上門就照食啦。
韮菜金菇牛柏葉麻辣湯出前一丁大辣，出前一丁不夠熟，索索聲卜卜脆！韮菜索盡辣湯，麻味辣味提升好幾倍，麻到口震震變孖潤腸！勁過癮。墨魚咀中辣，咀啖先！鮮嫩彈牙，熱辣辣一咬出煙，肉汁噴射。鮮味嚥韌微脆，無腥味無生水味。秋刀魚中辣，有少少燶，燒得過熟無晒魚脂無晒肉汁，略為乾鞋！
生蠔中辣，最新生蠔形吊墜！超勁鮮爽，必定要飲晒蠔汁唔好浪費，精華所在！好肥美生蠔，入口就知係本地鮮蠔，蠔味清爽帶微弱海水咸味！必殺五金剛茄魚蠔貝蚌。
原條茄子大辣，新鮮出爐飄著白煙，技術高超燒到完全熟透。除左茄皮外全部白肉食得乾乾淨淨，大量蒜蓉加適量孜然粉辣椒青蔥，香濃惹味濕潤綿滑熱燙燙，幸福滿分！見有個神州民竟然將燒茄子連皮食，莫非依個才是係正宗食法嗎？她來至四川？她來至重慶？我真係見識淺薄喇。鬆軟綿滑多汁香辣惹味，濃郁蒜蓉辣椒孜然粉，大師級手藝燒到茄子一梳梳無囉唆！幾乎整條可以食晒，只剩返層皮。茄肉濕潤棉滑而充滿水份，已吸收大量蒜蓉辣椒汁非常滋味，絲絲茄肉捲著蒜蓉香料掉入口，熱騰騰好滿足！
虎蝦中辣，鮮味爽甜，超彈多汁而且有甘香蝦膏，輕微過熟。燒雞腎中辣，鼻屎般細粒，雞腎碎黑炆炆乾硬韌。羊架中辣，何解羊架可以燒得如此美味！雖然件頭較細，但味道超然！羊肉味濃厚帶微弱香羶，香料辣椒使到肉味更出更濃，肉質鮮嫩可口彈牙，咬一口肉汁噴射出黎！半肥瘦質地軟塾帶咬口而充滿彈性，色香味正到痺！羊肉味濃滲著羶香，香料跟羊肉渾然天成！肉汁澎湃飛射！有添食衝動，連條骨都超香口有羊味夾著燒烤味！
金菇肥牛卷中辣，居然金菇肥牛卷可以燒得這麼軟塾多汁，全熟都不乾鞋，內外都熱騰騰，金菇爽脆甜美。鯖花魚中辣，心知係雪藏貨都試試吧！喜出望外，皮脆肉嫩嚥嚥韌韌，肉汁澎湃魚味濃。羊架中辣，特別肥美特別多油脂，所以羶香比平時強烈，我還頂得住。微脆香口多汁有咬口，推介佳品。
黃花魚中辣，辣就唔係好辣反而有點咸，烤燶了一點點！好采肉還是嫩還是多汁，最衰有點瘦不夠肥美。安格斯粒中辣，見到網上有食家投訴 $30 蚊安格斯粒又貴又細又難食！您到底知唔知安格斯粒來貨要幾錢？現在 $30 蚊有 4 粒，您期望有幾大塊？有幾好食呢？依串七成熟牛味濃，外脆內嫩程嫩紅色，調味恰到好處，有香料有辣有甜有咸，還食到牛肉原始味道！AAA 牛仔骨一樣美味，肉質有彈性油潤滴汁，筋膜爽脆勁有咬口，牛肉甜味出色。
麻辣韮菜豬紅大辣，好好好味啊！估您唔到唔有芫茜有生蔥，我再要花時間慢慢挑走。麻辣湯濃稠紅卜卜，越辣越抗奮！勁辣湯浸著豬紅灌入，嘴唇麻麻的感覺超爽！豬紅先彈後滑，夾埋爽甜韮菜更加滋味。
麻辣湯豆卜韮菜豬紅大辣，豆卜最吸湯，大麻辣麻到嘴震震無得頂！麻辣湯去濕去水消脂，韮菜行氣活血去瘀，豬紅洗塵補血三管齊下補身藥膳。
麻辣湯豬膶蘿蔔金菇豆卜生根大辣，豬膶還可以但有點過熟有點硬，蘿蔔外皮清不乾淨有少少渣，但非常爽嫩甜美多汁好味道。豆卜有點水味及油益味，應該要榨乾水先落湯。生根索得辣汁滿滿，又麻又辣又甜，一流好味。
魚蛋豬皮鮮魚腩酸辣湯河大辣
13 瀏覽
0 讚好
0 留言
魚蛋豬皮鮮魚腩酸辣湯河大辣
16 瀏覽
0 讚好
0 留言
金菇牛腩墨魚丸韮菜餃重慶酸辣湯紅薯粉大辣
5 瀏覽
0 讚好
0 留言
墨魚咀中辣
6 瀏覽
0 讚好
0 留言
生根豬膶菜肉雲吞麻辣湯粉絲大辣
5 瀏覽
0 讚好
0 留言
生蠔中辣
4 瀏覽
0 讚好
0 留言
黃花魚中辣
1 瀏覽
0 讚好
0 留言
潮州魚蛋牛腩韮菜餃麻辣湯粉絲大辣
5 瀏覽
0 讚好
0 留言
豬膶餃子生根重慶酸辣湯紅薯粉大辣
4 瀏覽
0 讚好
0 留言
牛柏葉肥牛韮菜麻辣湯河粉大辣
6 瀏覽
0 讚好
0 留言
原條茄子大辣
11 瀏覽
0 讚好
0 留言
原條茄子大辣
4 瀏覽
0 讚好
0 留言
原條茄子大辣
3 瀏覽
0 讚好
0 留言
韮菜金菇牛柏葉麻辣湯出前一丁大辣
5 瀏覽
0 讚好
0 留言
虎蝦中辣
4 瀏覽
0 讚好
0 留言
金菇肥牛卷中辣、鯖花魚中辣、羊架中辣
6 瀏覽
0 讚好
0 留言
麻辣韮菜豬紅大辣
4 瀏覽
0 讚好
0 留言
羊架中辣
1 瀏覽
0 讚好
0 留言
肥牛魚片頭韮菜重慶酸辣湯紅薯粉大辣
2 瀏覽
0 讚好
0 留言
墨魚丸豬膶韮菜煙鴨胸蘿蔔麻辣湯粉絲大辣
4 瀏覽
0 讚好
0 留言
麻辣湯豆卜韮菜豬紅大辣
11 瀏覽
0 讚好
0 留言
金菇蘿蔔韮菜豬紅麻辣湯紅薯粉大辣
5 瀏覽
0 讚好
0 留言
肥牛豬紅豆卜牛柏葉麻辣湯粉絲大辣
5 瀏覽
0 讚好
0 留言
韮菜豆卜肥牛豬膶麻辣湯粉絲大辣
6 瀏覽
0 讚好
0 留言
黃花魚中辣
3 瀏覽
0 讚好
0 留言
黃花魚中辣
1 瀏覽
0 讚好
0 留言
安格斯粒中辣、AAA 牛仔骨
7 瀏覽
0 讚好
0 留言
麻辣湯豬膶蘿蔔金菇豆卜生根大辣
5 瀏覽
0 讚好
0 留言
張貼
