何時 • 河地 (已結業)

天氣涼兩地最啱就係去戶外Cafe食嘢，上網見到人哋話呢一間Cafe個view幾好，所以就諗住去試吓，12點去到嘅時候冇乜人就可以揀咗戶外嘅靚位影相，雖然天氣有少少涼但係一出太陽嘅時候都會有啲熱，同埋預左戶外都會有啲蚊蟲，叫咗一個all day breakfast，一個咖喱雜錦同埋一個椰汁紅豆冰，全部都係店家推介，全日早餐炒蛋有黑松露，牛角酥，車厘茄，茄汁焗豆，沙律菜算幾多，加埋芝麻醬幾好食，咖喱雜錦有啲辣，建議唔食得辣嘅朋友就唔好叫，椰汁紅豆冰椰汁味好重，幾好飲，現場都有好多人踩單車經過都會停低影相，眼見下午兩點之後人流開始多，想食嘅話記得早啲嚟