影片
更多
2022-11-04
800 瀏覽
📌 二鍋頭 (嘉芙中心) - 尖沙咀漆咸道南53-55號嘉芙中心1樓🗓(4/11) 星期五 ⏰ 晚上6:30左右 💈特式：最近天氣開始轉凍，香港人就最鐘意係呢段時間食羊腩煲進補，出面求其食個羊腩煲都$2~300蚊，今次就推介大家食呢間二鍋頭，佢平時出名食雞煲/鴛鴦鴨煲/豬手煲，最近竟然可以加$68食埋羊腩煲任食，咁點都要嚟同大家試一試佢。🥩🍔🌭🌮🥗🥯🥘🍲🍝🍣🥟🍤🍱食物：佢有兩間分店，分別係旺角同尖沙咀，我今次就去尖沙咀呢間，因為我主力都係食煲，所以就揀佢最平個set，$218就可以任食雞煲/鴛鴦鴨煲/豬手煲同其他火鍋配料，另外加$68就可以任食埋羊腩煲，等我同大家講下d煲味道先。🐐🐑羊腩煲 - 雖然佢係任食，但質素一d都唔比出面食到嘅差，問過店員係用黑草羊，羊味十足，配料亦都好足料，有馬蹄/支竹/冬菇/冬筍，羊肉處理亦唔錯，大部分都係連皮帶骨嘅腩位，肉質炆得夠淋又軟滑，仲夠晒入味。🦆鴛鴦鴨煲 - 鴛鴦鴨煲佢地標榜係火焰鴨煲，即係會落白酒去做一個火焰嘅效果，先有視覺嘅享受，之後會聞到陣陣酒香，鴨肉佢用左兩隻鴨，臘鴨同普通鴨做煲，臘鴨就不是太吸引，普通鴨都ok，而且佢有我
🗓(4/11) 星期五 ⏰ 晚上6:30左右
💈特式：最近天氣開始轉凍，香港人就最鐘意係呢段時間食羊腩煲進補，出面求其食個羊腩煲都$2~300蚊，今次就推介大家食呢間二鍋頭，佢平時出名食雞煲/鴛鴦鴨煲/豬手煲，最近竟然可以加$68食埋羊腩煲任食，咁點都要嚟同大家試一試佢。
🥩🍔🌭🌮🥗🥯🥘🍲🍝🍣🥟🍤🍱
食物：佢有兩間分店，分別係旺角同尖沙咀，我今次就去尖沙咀呢間，因為我主力都係食煲，所以就揀佢最平個set，$218就可以任食雞煲/鴛鴦鴨煲/豬手煲同其他火鍋配料，另外加$68就可以任食埋羊腩煲，等我同大家講下d煲味道先。
🐐🐑羊腩煲 - 雖然佢係任食，但質素一d都唔比出面食到嘅差，問過店員係用黑草羊，羊味十足，配料亦都好足料，有馬蹄/支竹/冬菇/冬筍，羊肉處理亦唔錯，大部分都係連皮帶骨嘅腩位，肉質炆得夠淋又軟滑，仲夠晒入味。
🦆鴛鴦鴨煲 - 鴛鴦鴨煲佢地標榜係火焰鴨煲，即係會落白酒去做一個火焰嘅效果，先有視覺嘅享受，之後會聞到陣陣酒香，鴨肉佢用左兩隻鴨，臘鴨同普通鴨做煲，臘鴨就不是太吸引，普通鴨都ok，而且佢有我最鐘意食嘅鴨掌，所以又加返分。
🐷🖐🏼豬手煲 - 豬手煲好香黑椒味，d黑椒味仲要入晒落豬手度，炆得唔錯，又夠淋又有膠質，有Q彈嘅感覺，夠晒惹味，辣得嚟係香個隻辣，我覺得係咁多隻煲之中最吸引。
🐔雞煲 - 雞煲就正正常常，唔係我食過最好食嘅雞煲，但就一d都唔差，都好食嘅，中規中矩啦，同埋雞煲真係成日食，所以比起其他3款煲，少左一份新鮮感。
其他火鍋配料 - 食晒煲之後就轉左湯底食火鍋，湯底揀左冬陰功湯底，但因為我主力想同大家試晒4款煲，所以無特別叫太多配料食，只係試左牛肉/蝦/羊肉/墨魚滑/蜆/魷魚仔，完全都普普通通，無乜特別。
自助配料 - 自助配料仲有好多款丸類/瓜菜類/豆品類/麵食/午餐肉等等，都係普通，無乜特式。
甜品 - 佢有幾款雪榚/雪條任食，不過雪榚牌子係cocoberry，雪條牌子亦係唔出名，不食也罷，留返個肚食其他野好過。
☕️🍵🥤🧋🍺🍷🥃🍹🧉🍾🍶🥛
飲品 - 任飲飲品有好多唔同嘅罐裝/細支裝/包裝嘅茶/果汁/涼茶/汽水等等，啤酒就有罐裝ICE。
🍽環境：餐廳都光猛，地方乾乾淨淨，裝修都新簇簇，如果坐到卡位都會幾舒服，但如果坐中間方枱就會顯得有d迫迫地，餐廳唔會好大油煙味，自助區/醬料區/飲品區都整整齊齊，友人就話如果有埋麻醬就最好喇。
🤵🏻🤵🏻♀️🤵🏻♂️服務：職員服務態度都幾好，上菜速度都快，亦無漏單/扣單情況出現，見你食了差唔多亦會問你洗唔洗轉食其他煲或轉湯底打邊爐。
💰💸價錢：計埋加一每人埋單大約$315，如果普通打邊爐，呢個價錢就唔算抵，但如果你主力係食煲，尤其是羊腩煲就認真抵食，平時就街食1款煲都要$2~300蚊，仲未計d煲係可以任食同其他野。
🐲💬總結：我覺得以呢個價錢可以任食咁多款煲，真係好吸引，又可以食到咁多唔同種類嘅煲，雖然火鍋配料係普通左d，但飲品亦正正常常，仲有甜品係差左少少，但見到店舖做推廣而家星期日至四由120分鐘任食升級至無限時，如果呢d時間可以推介大家嚟試下。
推薦指數：❤️❤️❤️❤️🤍
羊腩煲
23 瀏覽
0 讚好
0 留言
火焰鴛鴦鴨煲
19 瀏覽
0 讚好
0 留言
黑椒豬手煲
13 瀏覽
0 讚好
0 留言
冬陰功湯底
9 瀏覽
0 讚好
0 留言
張貼
