烤魚世家雞煲火鍋

營業中

休息中

天氣漸涼，又係吃熱鍋的時候，最近愛上吃魚鍋！樓下新開呢一間，食過幾次，質素幾好，魚夠大條魚肉又厚身，仲有多款口味選擇。今次叫咗個烤沙巴龍躉魚，試咗而家最興嘅藤焦味，食起嚟都夠辣夠刺激，烤魚食起來完全唔會腥，陣陣麻辣刺激舌尖，比起就咁蒸真係特別好味！而且龍躉魚都好大條下，成兩隻手掌咁長，加上肉身肥美，所以食起嚟啖啖肉仲唔多骨，啱晒我哋口味，好鬼正！仲可以揀多芫荽，面頭放到滿一滿，真係好鬼吸引！啲芫荽吸收咗左啲湯底，又辣又香，用嚟夾牛肉食真係冇得頂！本身仲會有豆卜一齊煮，食完條魚記得食埋豆卜，入晒味勁噴火！仲叫咗滑牛肉、山水豆腐、烏冬。我自己鍾意食滑牛多過食雪藏牛頸脊嗰啲，呢度啲滑牛肉唔錯，新鮮又有牛味，肉質真係滑嘅，會再encore😋想更飽肚可以揀烏冬，煙煙韌韌好好味🤤