十三少 (已結業)

天氣下着毛毛細雨，咁啱冇帶遮，又臨近晚餐時間，就順道黎呢一間餐廳避雨兼食晚餐。～～～餐廳裝修古色古香，精緻有特色，播放著我好鍾意嘅台灣明星Hebe嘅歌曲，用餐環境舒適。🍽～～～餐牌選擇頗多，令人心花怒放，左思右想三心兩意嘅我地最後揀選咗涼拌土豆絲、十三少酸菜魚、乾煸四季豆及紅糖糍粑☺️。～～～餐點份量比想像之中多。土豆絲爽脆可口加埋辣油，令人一口接著一口，作為前菜非常開胃😝。～～～十三少酸菜魚，魚嘅份量好多，冇偷工減料，鮮味重，裡面嘅菇、萵筍亦非常出色。魚肉嫩口，滑溜，湯底香，而且食完唔會好口渴，高質，難怪能作招牌。👍🏻～～～除咗酸菜魚之外佢哋嘅乾煸四季豆質素亦佳，味道濃淡調配得宜，非常下飯（加入餐廳送嘅脆炸黃豆粒入口，會更為香口。）🥢～～～最後甜品再來一個黏黏糯糯的紅糖糍粑，就算再飽肚也不想錯過，滿滿的紅糖醬汁及黃豆粉令人啖啖流連忘返。～～～十三少 西環堅尼地城山市街10-14號山市樓地下1-3號舖