壹級日本料理 (已結業)

天氣凍，最好當然就係圍住個火爐邊吃邊吹水，今晚就係同朋友到這裡邊吃邊吹水，首先這裡是之前係朋友推介，抵食份量大，日式料理絕對唔擔心！而今次就係食打邊爐，這裡不是任吃，但勝在質素高而價錢都算合理，想起就吃不用凍冰冰嘅時候還要四圍走來走去搵食！湯底選擇有四款大路選擇，今晚選了海龍皇湯$68，轉頭店員就先上了個湯底，一大鍋，內裡見到有青有綠嘅蔬菜，滾一滾，就飲啖頭啖湯，味道香濃鮮味！跟住最愛嘅肉類手切頂級肥牛(小) $238，脂肪紋清晰可見，拖一拖滾湯入口真係夠晒嫩滑肥美！當然愛吃肉嘅我這樣是不夠喉，追加了和牛粒 $88，都係因為入口啖啖肉嘅關係，需要時間耐少少，但仍然係肉質嫩滑軟熟，一咬吓啲肉汁連同湯汁一齊在口中嘅感覺非常之正！而丸丸就點了芝士丸 $30，加埋個湯底味道更濃郁，中間流心吱吓吱吓嘅流心芝士，從裡面流出，十分滿足！而這裡亦有海鮮選擇，最緊要唔係海鮮價，固定收費，點了廣島蠔(4只) $58，用肥厚大隻去描述都唔會錯，滾一陣就上枱，入口夠晒多汁肥美！最後加埋個手打烏冬 $20，就十分滿足，吸了湯底嘅精華，軟滑嘅烏冬分外好味！