新東記火鍋店 (已搬遷) 新店位置

呢排天寒地凍,出街食飯最啱就係一大班朋友去打邊爐!食得又開心又暖粒粒!!去咗尖沙咀好出名ge火鍋店:新東記上到去之後,等咗一陣就有得入去啦.湯底叫咗個胡椒豬肚湯底,平時食慣豬骨湯底,今次試呢個,湯底胡椒味好濃郁,入面d豬肚都幾多,湯底好濃郁ge味道.黎呢度打邊爐,一定要叫距個鮮嫩肥牛肉啦,肥牛肉我地就叫咗牛頸脊,比較嫩滑,而且無咁肥,輕輕系個湯底度錄一錄就食得,非常好味,而且距呢度個牛肉,真係同出面果d牛肉好唔同,就算大家都系本地手切,唔知點解呢度個牛肉味道濃郁好多,就算唔點醬汁都一樣咁好味.仲有呢度個自家制三式丸,分別系:蝦滑,魚滑,墨魚滑,蝦滑ge蝦味濃d,墨魚滑夠曬彈牙,凌魚滑都好味.打邊爐當然要叫個肥鵝腸,鵝腸非常肥美,而且食落好爽口,打邊爐絕配啊!另外呢度除咗平時食ge火鍋配料之外,海鮮都係好出名,夠新鮮,今次試咗距個桂花蚌,食落夠曬彈牙爽口,味道鮮甜.好正ge一餐打邊爐,火鍋料夠新鮮,質素有保證,而且食物ge質素對得住個價錢,唔錯.