天鳥居酒屋

營業中

休息中

天水圍少有嘅火鍋放題😋價錢平平地，有齊一般邊爐料，仲有得任叫日式小食，呢樣好吸引。我哋揀左「五花腩豚肉套餐」，椰子雞湯底。肉類有豬五花同鮮雞件。豬五花質素OK，雞件有驚喜，滾得耐都唔柴，仲幾嫩滑👍🏻其他邊爐配料有：金針菇、鮮冬菇、白蘿蔔、冬瓜、黑豚QQ水餃、 墨魚汁花枝丸。用QR code落單好快上齊，無漏單。我哋叫左好多輪小食，感覺回晒本：中華沙律、芝士年糕、炸牛肉薯餅、吉列炸蝦、炸雞壽司都有幾款，必食三重芝土大蝦反卷，炸蝦壽司表面有燒過嘅芝士，好香口。仲有太卷、加州卷。甜品必食雪糕泡芙、雪糕糯米糍、芝麻雪糕。落樓每人唔使$200，可以回頭。