影片
更多
2019-12-09
46 瀏覽
雖然住元朗，但好少會嚟天水圍，偏偏今個月開始，公司安排會間中嚟天水圍返工，男友就過嚟接我收工，順便附近食下嘢啦！見到呢間湘川滬食上海菜，我都好耐冇食啦，呢晚就入去試試，味道都ok，服務唔錯！呢度嘅小籠包有原味、酸辣、黑松露及蟲草花味，選擇好多，索性點一籠四式小籠包試齊所有味。小籠包皮好薄，裝住滿滿嘅湯汁，咬嘅時候真係要小心會瀉呢。我試咗黑松露同蟲草花味，黑松露小籠包好濃嘅松露香，蟲草花入面則有蟲草花上湯，各有特色。雞絲拌粉皮係我其中一道最喜愛嘅上海菜，粉皮好嫩滑，加上麻醬好惹味。蔥油海哲皮爽脆嫩滑，冰涼嘅口感特別開胃！重慶酸菜魚片份量十足，兩個人食好多！魚片好嫩滑，吸收湯底精華，食落酸辣有致，好入味。呢度仲會細心問你想要嘅辣度，我唔太食到辣都可以食到。四川擔擔麵則略為失望，湯底較稀，唔夠濃郁鮮香，有改善行街。不過份量足，$48價錢唔貴。
見到呢間湘川滬食上海菜，我都好耐冇食啦，呢晚就入去試試，味道都ok，服務唔錯！
呢度嘅小籠包有原味、酸辣、黑松露及蟲草花味，選擇好多，索性點一籠四式小籠包試齊所有味。
小籠包皮好薄，裝住滿滿嘅湯汁，咬嘅時候真係要小心會瀉呢。我試咗黑松露同蟲草花味，黑松露小籠包好濃嘅松露香，蟲草花入面則有蟲草花上湯，各有特色。
雞絲拌粉皮係我其中一道最喜愛嘅上海菜，粉皮好嫩滑，加上麻醬好惹味。
蔥油海哲皮爽脆嫩滑，冰涼嘅口感特別開胃！
重慶酸菜魚片份量十足，兩個人食好多！魚片好嫩滑，吸收湯底精華，食落酸辣有致，好入味。呢度仲會細心問你想要嘅辣度，我唔太食到辣都可以食到。
四川擔擔麵則略為失望，湯底較稀，唔夠濃郁鮮香，有改善行街。不過份量足，$48價錢唔貴。
張貼
