臺味冰點餐廳

營業中

休息中

今日同屋企人出街食飯，行下行下行左黎呢度食飯。真係幾多人架，可能係假期既緣故啦。我地叫左個雞翼、鹹魚雞粒炒飯，芝士白汁雞皇意粉。雞翼有五隻咁多而且新鮮炸起，皮脆肉嫩。唔算太鹹，雖然係好普通既小食，但普通中總有驚喜既。鹹魚雞粒炒飯另一出色之作，份量好夠。最重要既係好夠穫氣，好耐都未食過咁好味既炒飯。雞粒好大舊之餘又夠味。芝士白汁雞皇意粉等左差唔多三個字，面頭好多芝士呀，而且雞肉既數量都好多。我覺得白汁味好重，而雞肉係一早醃過既。味道同焗飯好夾。而飯就唔錯既，唔會焗到好乾，煙煙韌韌好正呀！凍珍珠奶茶唔使加錢既餐飲，珍珠係用糖水浸過既。而奶茶味唔算太濃，但勝在夠滑，呢樣係台式奶茶既特點啦。呢間野開左咁耐都咁多人，因為食物質素同價錢成正比，真係好難天水圍找到咁好既餐廳。