天鳥居酒屋

營業中

休息中

兩個人喺天水圍想食日本嘢，上OpenRice見到依間天鳥好似唔錯，就過嚟試一試。一睇餐牌發現真係好多嘢食好多選擇，都諗咗好耐先決定到食乜嘢，侍應話有啲壽司刺身當做，所以就帶咗嚟試吓。針魚壽司，赤鯥壽司，依兩款係侍應話當做嘅魚，係佢推介之下我哋就試咗，咁真係幾新鮮食落幾特別，同平時食開嘅吞拿魚呀三文魚呀嗰啲都好唔一樣，下次都可以問吓有咩當做然後叫黎食。吉列豬扒咖喱掛手打烏冬配溫泉蛋，塊吉列豬扒真係啱啱新鮮炸起，好脆好熱，加埋個咖喱真係好香，撈埋溫泉蛋一齊食，真係好正。個烏冬好彈牙，全部野撈埋一齊真係好正。海膽吞拿魚七色丼，上面有好多唔同嘅刺身，海膽係主角，好鮮好好食，又有三文魚又有吞拿魚仲有帶子，成件事好新鮮感覺好好，下面壽司飯仲加咗少少味素，食起上嚟唔會咁單調，成個飯唔落豉油唔落Wasabi，都好好食。下次嚟到天水圍想食日本嘢我都會再嚟呢間。